យន្តការទាំង៨ចំណុច របស់គណបក្សសម្ព័ន្ធដើម្បីប្រជាធិបតេយ្យរួមមាន៖

  លោកខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ បានមានប្រសាសន៍ថា ដោយបានមើលឃើញពីបញ្ហានៅក្នុងស្រុកខ្មែរ មានភាពស្មុគស្មាញ ចម្រូងចម្រាស និងពិបាកក្នុងដោះស្រាយ ដោយសារតែអំណាចប្រមូលផ្តុំ ជាក្រុម ឬបក្សពួករបស់ក្រុមមនុស្សមានអំណាច។ ដូច្នេះ ដើម្បីអាចចូលរួមដោះស្រាយបញ្ហារបស់ប្រទេសជាតិបាន លោកក៏សម្រេចចិត្តចេញមកបង្កើតគណបក្សមួយនៅឆ្នាំ២០០៦ គឺគណបក្សសម្ព័ន្ធដើម្បីប្រជាធិបតេយ្យ  ដែលដឹកនាំដោយលោកផ្ទាល់។ 

  ការបង្កើតគណបក្សនេះ លោកបានកំណត់យក យន្តការចំនួន៨ចំនុច រួមមាន៖

យន្តការទី១ :  កំណត់អាណត្តិនាយករដ្ឋមន្រ្ដី (ត្រឹមពីរអាណត្តិ)

យន្តការទី២ : នាយករដ្ឋមន្រ្តី មិនត្រូវបានអនុញ្ញាតិឱ្យបង្កើតក្រុមអង្គរក្សដោយខ្លួនឯងទេ (ត្រូវផ្ដាល់ដោយរដ្ឋ)

យន្តការទី៣ : នាយករដ្ឋមន្រ្ដីត្រូវរស់នៅនិវាសដ្ឋានដែលផ្ដល់ដោយរដ្ឋ

យន្តការទី៤ : បង្កើតតុលាការរដ្ឋបាល

យន្តការទី៥ : ឋានន្តរសក្តិចាប់ពីឧត្តមសេនីយ៍យោធា និងនគរបាល ត្រូវសុំសេចក្ដីទុកចិត្តពីសភា

យន្តការទី៦ : អព្យាក្រឹតមន្រ្តីរាជការ

យន្តការទី៧ : ប្រជាពលរដ្ឋបោះឆ្នោតដោយផ្ទាល់ ជ្រើសរើស និងទម្លាក់ដោយផ្ទាល់

យន្តការទី៨ : ប្រើប្រាស់ប្រព័ន្ធឯកត្តនាម សម្រាប់ការបោះឆ្នោតជ្រើសតំណាងរាស្រ្ដ៕

#យន្តការ៨ចំនុច #ខឹមវាសនា #អិលឌីភី #LDP 

#LeaugeOfDemocracy Party